کراچی میں مسلم لیگ ن کے اہم رہنما سینیٹر نہال ہاشمی نے کہا ہے کہ گورنر ہاؤس کراچی سے دہشت گردی کے دور کی آخری نشانی بھی ختم ہو گئی، اب گورنر ہاؤس میں ن لیگ کا نمائندہ آ گیا ہے۔
کراچی میں گفتگو کرتے ہوئے نہال ہاشمی نے کہا کہ 14 سال پہلے الطاف حسین نے دہشت گرد تنظیم کا نمائندہ گورنر ہاؤس بھیجا تھا جسے اب ہٹا دیا گیا ہے، اس سے کراچی کے امن میں مدد ملے گی۔
نہال ہاشمی نے کہا کہ آج جمہوریت اور آئین کی پاسداری کی صحیح علامت گورنر ہاؤس میں ہے۔ گورنر ہاؤس میں دہشت گرد تنظیم کے نمائندے کا رہنا آمر پرویز مشرف کی وجہ سے تھا۔
پرویز مشرف کے دور میں دہشت گردی نے شہر میں فروغ پایا اور ٹارگٹ کلنگ عام ہوئی۔ نواز شریف کراچی میں تبدیلی لائے ہیں اور امن کا دور شروع ہوا ہے۔