مشرقی یورپ میں کئی دن سے ٹھنڈ بڑھ رہی ہے اور امید تھی کہ کسی بھی روز روس اور بیلاروس میں برفباری شروع ہو جائے گی۔
بالآخر برفباری کا پہلا سیزن شروع ہوا تو اتنی برف پڑی کہ تمام علاقوں نے سفید چادر اوڑھ لی۔ معمولات زندگی بری طرح متاثر ہوئے۔
عام طور پر برفباری بتدریج بڑھتی ہے لیکن اس بار یوں لگا رہا ہے کہ جیسے آسمان پھٹ گیا ہو۔ اسے برفباری کا طوفان کہا جائے تو غلط نہ ہو گا۔
برفباری کا یہ طوفان مشرق سے وسطی مغرب کی جانب گامزن ہے اور اگر سلسلہ یوں ہی جاری رہا تو شاید اس بار یورپ غیرمعمولی ٹھنڈ دیکھے گا۔
ماہرین کا کہنا ہے کہ یہ ٹھنڈ عام سردیوں سے زیادہ شدید اور مہلک ہو گی۔ اس برفباری کے طوفان سے سانس کی بیمار ی پھیلنے کا خدشہ ہے۔
