بھارتی سیاستدانوں نے سرجیکل اسڑائیک کا دعویٰ مشکوک قرار دیا۔دہلی کے وزیر اعلی کیجری وال نے مودی سے مطالبہ کیا ہے کہ سرجیکل اسٹرائیک ثابت کرو ۔
ان کا کہنا ہے کہ اقوام متحدہ نے سرجیکل اسٹرائیک کی تصدیق نہیں کی۔ سی این این ، بی بی سی سمیت عالمی ادارے بھارتی دعوے پر سوال اٹھا رہے ہیں۔ پاکستان نے ملکی و غیرملکی صحافیوں کو ایل او سی کا دورہ کرا دیا۔ صحافتی ادارے کہہ رہے ہیں پاکستانی کشمیر میں سب نارمل ہے۔
کیجری وال نے اپنے بیان میں وزیراعظم مودی سے مطالبہ کیا کہ انہیں بھارتی افواج کی صلاحیت میں شک نہیں۔ تاہم دنیا کے سامنے ناقابل ترردید ثبوت لانا انتہائی اہم ہے۔ اس موقع پر اگر اقدام نہ کیا گیا تو دنیا سمجھے گی ہم جھوٹ بول رہے ہیں۔