اسپین میں نئے اسپورٹس سنٹر کے قیام پر مینز ڈبلز کا نمائشی میچ جاری تھا۔ اس موقع پر نڈال اچانک سروس کرتے ہوئے رک گئے۔ انہوں نے ایک خاتون کو دیکھنا شروع کر دیا جو انتہائی پریشانی سے کسی کو پکار رہی تھیں۔
نڈال اس دوران خاموش کھڑے رہے، کچھ دیر بعد سیکیورٹی کی مدد سے معلوم ہوا ہے کہ خاتون کی چھوٹی بچی غائب ہے جس پر تمام لوگ بچی کو ڈھونڈنے لگے۔ نڈال بھی انتہائی پریشان نظر آ رہے تھے۔ تاہم کچھ دیر بعد بچی دور اسٹال سے مل گئی۔
اس موقع پر سب نے نڈال کے لئے تالیاں بچائیں۔ تاہم نڈال خاموشی سے کھڑے رہے اور جب بچی ماں کے پاس پہنچ گئی اور انہوں نے شکریہ میں سر ہلایا تو نڈال نے دوبارہ میچ شروع کیا اور اسے آسانی سے جیت لیا۔
