سعودی عرب نے مکہ میں حج یا عمرہ کرنے والے عازمین کے لئے ویزا فیس بڑھا دی۔ شہزادہ نائف کی زیر صدارت ہونے والے کونسل اجلاس میں فیصلہ کیا گیا کہ جو بھی شخص دوسری بار حج کے لئے درخواست جمع کرائے گا تو اسے مزید دو ہزار ریال ادا کرنا ہوں گے۔
اس طرح دوسری بار عمرہ ادا کرنے والوں کو بھی اضافی پیسے دینا ہوں گے۔ تاہم پہلی بار آنے والے افراد سے ویزا فیس نہیں لی جائے گی۔
اتوار سے ان نئے قوانین کو لاگو کر دیا گیا ہے۔ ادھر عام لوگوں کے لئے ویزہ فیس بھی بڑھا دی گئی ہے۔ دو ماہ کے ویزے کی فیس 200ریال جبکہ تین ماہ کے لئے 300ریال کر دی گئی ہے۔سعودی گزیٹئر میں تمام نئی تبدیلیوں کا اطلاق بھی کر دیا گیا ہے۔
