پاکستان نے ایشین بیچ گیمز کے کبڈی ایونٹ کا ٹائٹل جیت لیا۔ فائنل میں پاکستان نے روایتی حریف بھارت کو شکست دی۔
ایشین گیمز ویت نام میں جاری ہیں جہاں پاکستان اور بھارت کی ٹیمیں سیمی فائنل جیت کر فائنل میں پہنچی تھیں۔ بیچ کبڈی میں بھارتی ٹیم کو فیورٹ سمجھا جاتا ہے تاہم پاکستانی کھلاڑیوں نے فائنل میں بہترین کھیل پیش کیا اور 23 کے مقابلے مین 28 پوائنٹس سے فائنل جیت کر میڈل اپنے نام کر لیا۔
میچ کے آغاز میں بھارت نے برتری حاصل کر لی جو ہاف ٹائم کے بعد بھی جاری رہی تاہم آخری پندرہ منٹ میں پاکستانی کھلاڑیوں نے لگاتار 7 پوائنٹ جیت کر ایونٹ اپنے نام کر لیا۔