الیکشن کمیشن کا کہنا ہے کہ آئندہ عام انتخابات بائیو میٹرک سسٹم کے ذریعے کرائے جائیں گے، انتخابات کے لئے تیاریاں کی جا رہی ہیں۔ الیکشن کمیشن حکام نے پبلک اکاؤنٹس کمیٹی میں بریفنگ دیتے ہوئے بتایا کہ 2018 کے عام انتخابات میں48 لاکھ سے زائد نئے ووٹرز حصہ لیں گے۔ 16 فیصد ووٹرز کی تصدیق ابھی تک نہیں ہو سکی تاہم انتخابات سے قبل تصدیق کر لی جائے گی۔
پبلک اکاؤنٹس کمیٹی کا اجلاس اپوزیشن لیڈر سید خورشید شاہ کی زیر صدارت ہوا، الیکشن کمیشن حکام نے بھی اجلاس میں شرکت کی۔ الیکشن کمیشن حکام نے بتایا کہ آئندہ انتخابات میں مقناطیسی سیاہی کا استمال نہیں ہو گا۔ گھر گھر رابطہ کرکے ووٹرزکی تصدیق کا عمل جاری ہے۔
خورشید شاہ کا کہنا تھاالیکشن کمیشن ایک آزاد ادارہ ہونا چاہئے جس کا اپنا آڈٹ سسٹم ہو۔ انہوں نے بے نظیر انکم سپورٹ پروگرام کے حکام کو ہدایت کی وہ اپنا سسٹم رواں برس دسمبرتک درست کرکےاس ادارے پر آڈٹ اعتراضات کا جواب دیں۔