بالی وڈ میں تو اداکارہ پرینکا چوپڑا کسی کی دوست نہیں بن سکیں لیکن اب ہالی وڈ میں وہ ہر ایک کی دوست سمجھی جاتی ہیں۔ نیویارک میں سٹیزن گلوبل ایوارڈ کی تقریب کے بعد ان کی سوشل میڈیا پر تصویر نے دھوم مچا رکھی ہے۔
وہ تقریب کے بعد ہالی وڈ اداکار ہیو جیک من، سلمیٰ ہائیک کے ساتھ پارٹی کے لئے ایک مقامی کلب گئیں۔ جہاں سے انہوں نے اپنی تصاویر بھی شیئر کیں۔
پرینکا کے ساتھ سلمیٰ ہائیک اور جیڈ پنک کی تصویر کو خاصی شہرت مل رہی ہے۔ تاہم بالی وڈ میں ناقدین کا کہنا ہے کہ پرینکا نے اپنے ملک میں ساتھی اداکاروں کو ایسی عزت نہیں دی اور نہ ہی ان کے قریب ہونے کی کوشش کی ۔ تاہم امریکا میں ان کا انداز مختلف ہے جس کی بنیادی وجہ ذاتی مارکیٹنگ ہے۔