23ستمبر کو شہباز شریف کی سالگرہ کے موقع پر ان کی اہلیہ تہمینہ درانی نے لاہور پر اپنے نئے دس مرلے کے گھر میں ایک نجی دعوت کا اہتمام کیا۔ جس میں وزیراعلیٰ پنجاب شہباز شریف نے شرکت کی۔
اس چھوٹی سی محفل کی تقریب کی تصاویر سوشل میڈیا پر شیئر ہوتے ہی مقبول ہو گئیں۔ ہزاروں لوگوں نے انہیں پسند کیا۔ ایک عرصے سے خبریں چل رہی تھیں کہ شاید تہمینہ اور وزیراعلیٰ پنجاب میں رنجش ہے اور دونوں میں اب کوئی تعلق نہیں رہا۔تاہم دونوں کے ہاتھ پکڑے تصویر ثابت کرتی ہے کہ یہ تعلق اب بھی بہت مضبوط ہے۔
رنجشوں کی ان خبروں کے ساتھ یہ خبر بھی گرم تھی کہ وزیراعلیٰ نے شاید ایک اور شادی کر لی ہے ۔ اس بار انہوں نے ایک معروف ٹی وی اینکر کو اپنا جیون ساتھی بنایا ہے۔
تاہم تہمینہ درانی کی ان تصاویر نے یہ ثابت کر دیا ہے کہ دونوں کا تعلق اب بھی انتہائی مضبوط ہے ۔ تاہم وزیراعلیٰ کی چوتھی شادی کے حوالے سے افواہوں کی اب تک تصدیق نہیں ہو سکی۔
