عامر خان کی نئی فلم دنگل کے پہلے ٹریلر کی ریلیز کے لئے تیاریاں کی جا رہی ہیں۔ عامر خان اس میں بھارتی ریسلر اور ریسلنگ کوچ مہاویر سنگھ کا کردار ادا کریں گے جنہوں نے اپنی دو بیٹیوں پوجا اور ببیتا کو بھی ریسلنگ سکھائی تھی۔
عامر خان کی اس فلم کا مداحوں کو بے تابی سے انتظار ہے۔ فلم اس سال کرسمس پر ریلیز کی جائے گی جبکہ فلم کا ٹریلر 28اکتوبر کو دیوالی کے موقع پر ریلیز کیا جائے گا۔
فلم کا ٹریلر اے دل ہے مشکل اور شیوا کی ریلیز کے موقع پر پہلی بار سامنے آئے گا جس سے اس کی تشہیر میں بہت مدد ملے گی۔
