فیصل آباد میں خاتون کا شوہر کیساتھ کبوتر بازی کے شوق پر جھگڑا ہو گیا۔ جس پر خاتون نے پیٹرول چھٹرک کر خود کو آگ لگا لی۔ جسے زخمی حالت میں الائیڈ اسپتال منتقل کر دیا گیا۔
ذوالفقار کالونی کی رہائشی 26 سالہ رابعہ نامی خاتون کا اپنے خاوند سے اس بات پر جھگڑا ہوا کہ اس کا خاوند کبوتر بازی کیوں کرتا ہے۔
اس سے پہلے بھی کئی بار اسی بات پر میاں بیوی کے درمیان لڑائی ہوچکی ہے۔
خاتون نے اپنے شوہر کو منع کیا تو جھگڑا ہوگیاجو اس حد تک بڑھ گیا کہ خاتون نے خود کو آگ لگا لی۔ آگ لگنے سے رابعہ کے جسم کا 25 فیصد حصہ جھلس گیا۔ جسے الائیڈ اسپتال منتقل کیا گیا جہاں اس کا علاج جاری ہے۔ پولیس نے جھلسنے والی خاتون کا بیان ریکارڈ کر لیا ۔