پاکستان کرکٹ بورڈ میں بڑوں کی تبدیلی کی ہوا چل رہی ہے۔ حال ہی میں بورڈ سے سب سے زیادہ طویل عرصے سے منشلک انتخاب عالم کو گھر بھیج دیا گیا۔۔ اور اب نواز شریف کی حمایت حاصل کرکے چیئرمین کے عہدے پر برقرار رہے والے شہریار خان کے گھر جانے کا وقت ٓگیاہے۔
82 سالہ شہریارخان دل کے عارضہ میں مبتلا ہیں۔ ان کا لندن میں دل کا کامیاب آپریشن کیا گیا ہے۔ خاندانی ذرائع کے مطابق ۔ شہریارخان کو 7 سے 8 دنوں میں اسپتال سے ڈسچارج کیا جائے گا۔ انھیں مکمل صحتیابی میں 2 ماہ لگیں گے لیکن خاندانی دباؤ پر شہریارخان کے پی سی بی کا عہدہ چھوڑنے کا قوی امکان ہے۔
دوسری طرف یہ خبریں بھی گرم ہیں کے وزیراعظم ہاوس نے شہریار خان اور نجم سیٹھی دونوں کے متبادل پر غور شروع کردیا ہے۔۔ اس بات کا قوی امکان ہے کہ نجم سیھٹی سے بھی کرکٹ بورڈ کی ذمہ داریاں واپس لے لی جائیں۔