ایک امریکی اور دو روسی خلا باز عالمی خلائی سٹیشن سے بحفاظت زمین پر لینڈ کر گئے۔
خصوصی خلائی کیپسول سیوز ٹی ایم اے 20ایم خلا بازوں کو لے کر علی الصبح قازقستان پہنچا۔
امریکی خلائی مرکز ناسا کے مطابق سٹیشن کمانڈر جیف ولیمز کے ساتھ روسی انجینئر الیکسی اور اولگ گرینچ کے معیاری وقت کے مطابق گزشتہ روز نو بج کر اکاون منٹ پر خلائی مرکز سے روانہ ہوئے تھے اور وہ تین گھنٹے بائیس منٹ کے بعد زمین پر پہنچ گئے۔
اٹھاون سالہ ولیمز مدار میں پانچ سو چونتیس دن گزارنے کے بعد زمین پر واپس پہنچے ہیں، اس طرح وہ خلا میں سب سے زیادہ وقت گزارنے والے امریکی بن گئے ہیں جبکہ دنیا میں وہ چودہویں نمبر پر آگئے ہیں۔