دنیا کے معمر ترین کرکٹر کا جنوبی افریقہ میں انتقال ہو گیا۔ لنزے ٹکٹ کی عمر 97 سال تھی۔ اتوار کے روز بلوم فونٹین میں ان کا انتقال ہوا۔ لنزے ٹکٹ نے 1947 سے 1949 تک 9 ٹیسٹ میچوں میں جنوبی افریقہ کی نمائندگی کی۔ لنزے ٹکٹ فاسٹ بولر تھے اور دوسری عالمی جنگ کے بعد اگلے تین سال میں وہ ساؤتھ افریقن پیس اٹیک کا سب سے خطرناک ہتھیار قرار دیئے گئے تھے۔ انہوں نے اپنے پہلے ہی میچ میں انگلینڈ کے 5 کھلاڑیوں کو ٹھکانے لگا کر شہرت سمیٹی تاہم اس کے بعد وہ عمدہ بولنگ کے باوجود زیادہ وکٹیں حاصل نہ کر سکے۔ کریئر میں ان کی مجموعی وکٹوں کی تعداد 19 سے آگے نہ بڑھی۔
لنزے ٹکٹ کے انتقال کے بعد اب جنوبی افریقہ سے ہی تعلق رکھنے والے جونی واٹکنز معمر ترین کرکٹر کرکٹر بن گئے ہیں۔ ان کی عمر 93 سال ہے۔
