لاہور کے علاقے شاہدرہ میں راستے بند ہونے کی وجہ سے نومولود وقت پر اسپتال نہ پہنچ سکا اور والدین کے ہاتھوں میں دم توڑگیا۔
پنجاب حکومت نے بچے کی ہلاکت کا مقدمہ تحریک انصاف کی قیادت کے خلاف درج کرانے کا اعلان کیا ہے۔
ترجمان پنجاب حکومت زعیم قادری کے مطابق بچے کی ہلاکت کی وجہ پی ٹی آئی کارکنوں کا راستہ نہ دینا تھا۔
تحریک انصاف پاناما لیکس کے معاملے پر حکومت کے خلاف لاہور میں ریلی نکال رہی ہے۔
انتظامیہ نے پی ٹی آئی کی ریلی کے روٹ کو جگہ جگہ کنٹینر، خاردار تاریں اور دیگر رکاوٹوں سے بند کررکھا ہے۔
مال روڈ جانے والے راستے بند ہونے کے باعث شہریوں کو دن بھر انتہائی پریشانی کا سامنا کرنا پڑا۔
