ایف بی آئی نے ہلیری کلنٹن کو انتہائی لاپروا وزیر خارجہ قرار دے دیا۔
امریکی صدارتی امیدوار کی بطور وزیرخارجہ ای میلز کے بارے میں 58 صفحات پر مبنی دستاویزات جاری کر دی گئی ہیں۔
ان دستاویزات میں جولائی 2016ء میں ایف بی آئی کو دیا گیا ہیلری کلنٹن کا انٹرویو شامل ہے۔
ایف بی آئی کے مطابق ہیلری کلنٹن کی طرف سے کسی غلطی یا جرم کا ثبوت نہیں ملا۔
اسے انتہا درجے کی لاپروائی تو کہا جا سکتا ہے لیکن مجرمانہ غفلت نہیں۔
ایف بی آئی کا کہنا ہے شفافیت کے مفاد اور اطلاعات کی آزادی کے قانون کی درخواست کے تحت ہیلری کلنٹن کا انٹرویو جاری کیا گیاہے۔
ہیلری کلنٹن کے گھر کی بیسمنٹ میں لگے نجی ای میل سرور پر موصول ہونے والی حساس اطلاعات کے ساتھ ان کا رویہ غیر ذمہ دارانہ رہا۔
تجزیہ کاروں کے مطابق متنازعہ ای میلز کا معاملہ ہیلری کلنٹن کے صدارتی انتخاب پر بہت برے اثرات بھی مرتب کر سکتا ہے۔
