پاکستان مخالف نعروں اور تقریروں کے بعد متحدہ قومی موومنٹ آج الطاف حسین کے خلاف قومی اسمبلی میں قرارداد پیش کرے گی۔
بدھ کے روز ایم کیو ایم کے ایک اہم اجلاس میں پارٹی کے آئین تبدیلی اور الطاف حسین کے خلاف قومی اسمبلی میں مزامتی قرار دار لانے کافیصلہ کیا گیا تھا۔ ایم کیو ایم کے سربراہ فاروق ستار کا کہنا ہے کہ 22 اگست کو لندن سے کی جانے والی تقریر ملکی قومی سلامتی اور خودمختاری کے خلاف تھی۔ پارٹی کے کئی رہنما اس سے لا تعلقی کا اعلان کرچکے ہیں۔ اور اب اس تقریر کے خلاف مذمتی قرار دار اسمبلی میں پیش کی جائے گی۔ وزارت داخلہ نے اس تقریر کے خلاف برطانیہ سے رابطہ کیا ہوا ہے۔
