خواتین کے دل کے مرض کی اکثر غلط تشخیص ہوتی ہے

ایک نئی تحقیق سے معلوم ہوا ہے کہ انگلینڈ اور ویلز میں دل کے دورے کے بعد ایک تہائی مریضوں کی غلط تشخیص کی جاتی ہے۔ایسا زیادہ تر خواتین کے ساتھ ہوتا ہے۔

تحقیق کاروں نے برطانوی ادارۂ صحت این ایچ ایس سے حاصل شدہ دل کے دورے کے 6 لاکھ مریضوں کے 9 برس پر محیط اعداد و شمار کا جائزہ لیا۔ معلوم ہوا کہ مردوں کے مقابلے 50 فیصد امکانات ہوتے ہیں کہ عورتوں کی ابتدائی تشخیص غلط ہو۔ برطانیہ میں 243 ہسپتالوں کے 9 سالوں کا ریکارڈ بتاتا ہے کہ تقریبا ایک لاکھ 98 ہزار مریضوں کی ابتدائی تشخیص غلط تھی۔ برٹش ہارٹ فاؤنڈیشن کے مطابق برطانیہ میں ہر سال 28 ہزار خواتین دل کا دورہ پڑنے سے موت کے منھ میں چلی جاتی ہیں۔