مشتاق منہاس: ارب پتی صحافی

سینئر صحافی، اینکرپرسن اور صحافتی سیاست کے بعد آزادکشمیر کی سیاست میں قدم رکھنے والے مشتاق منہاس بھی ارب پتی نکلے۔

ملک ریاض لیکس سامنے آ گئیں، اینکر بے نقاب

میڈیا ٹاؤن کہلانے والے موضع لوئی بھیر اسلام آباد میں ان کے دس دس مرلہ کے 10 پلاٹ ہیں۔

اسلام آباد کے گوکینہ کلاں میں تین کنال تین مرلہ کا پلاٹ بھی ان کی ملکیت ہے۔

مری ایکسپریس وے پر لکوٹ کے علاقے میں نو کنال جبکہ اسلام آباد زون 5 میں خیابان کشمیر کے علاقے میں دس مرلہ کا پلاٹ بھی رکھتے ہیں۔

موضع بنی مہاساں میں 3 کنال 6 مرلہ کا پلاٹ انہوں نے مشترکہ ملکیت میں ظاہر کیا ہے۔

اس کے علاوہ بنی مہاساں میں ان کا دو منزلہ تعمیر شدہ گھر بھی ہے۔

آزادکشمیر کے ضلع باغ میں تین گھر انہوں نے مشترکہ ملکیت بتائے ہیں۔

اسلام آباد (5) کی جموں کشمیر ہاؤسنگ سوسائٹی میں ایک کنال، سیکٹر 9-0 میں ایک دس اور دو 9، 9 مرلے کے پلاٹ ان کی اہلیہ کے نام ہیں۔

بحریہ ٹاؤن فیز سکس میں بھی ایک مکان ان کی اہلیہ کی ملکیت ہے۔

اس کے علاوہ منہاس خاندان 35 تولے سونے کا مالک ہے۔

15 لاکھ روپے کی انشورنس پالیسی اور اسلام آباد کے ایک بنک میں ان کے اکیس لاکھ ستر ہزار روپے پڑے ہیں تو ایک فارن کرنسی اکاؤنٹ بھی موجود ہے جس میں ڈیڑھ ہزار ڈالر موجود ہیں۔