یمن میں سیکیورٹی فورسز کے تربیتی مرکز پر گاڑی کی مدد سے خود کش حملہ کیا گیا۔ حکام کے مطابق عدن میں نئے بھرتی ہونے والے افراد کی تربیت جاری تھی کہ ایک تیزرفتار گاڑی آ کر کیمپ سے ٹکرائی۔ اس حملے میں متعدد افراد مارے گئے ہیں۔
اسپتال ذرائع کا کہنا ہے کہ عدن کے تربیتی کیمپ سے 45افراد کی لاشیں اب تک منتقل کی جا چکی ہیں جبکہ درجنون زخمی بھی زیر علاج ہیں۔
سیکیورٹی ذرائع کا کہنا ہے کہ حملے میں 60افراد زخمی ہوئے جبکہ کیمپ میں ابھی ریسکیو آپریشن کیا جا رہا ہے۔ لوگوں کو اسپتال منتقل کرنے میں دشواری کا سامنا ہے کیونکہ کیمپ شہر سے دور تھا۔
