سرچ انجن گوگل کی ٹیم پہلی مرتبہ پاکستانی یونیورسٹیوں کا دورہ کرے گی۔ ٹیم کی طرف سے پاکستانی طالب علموں کی عملی تربیت کا بھی اہتمام کیا جا رہا ہے
اس دورے میں گوگل ٹیم پاکستانی طالب علموں کو ویب سائٹ اور ایپ ڈیولپمنٹ کی خصوصی تربیت دے گی تاکہ وہ معاشی طور پر مستحکم ہو سکیں۔
گوگل ٹیم 30 اگست کو کراچی کے انسٹی ٹیوٹ آف بزنس ایڈمنسٹریشن کا دورہ کرے گی۔ جس کے بعد ٹیم لاہور، اسلام آباد، اور گجرات کے ساتھ خیبر پختونخوا کے شہر ٹوپی میں واقع غلام اسحاق خان یونیورسٹی کا دورہ بھی کرے گی۔ شیڈیول کے مطابق گوگل ٹیم کے 11 روزہ دورے کا اختتام 9 ستمبر کو یوای ٹی لاہور میں ہوگا۔