اقلیتی رکن اسمبلی سردار سورن سنگھ کے قتل میں ملوث بلدیو کمار خیبرپختون خوا اسمبلی کے رکن بن گئے۔ الیکشن کمیشن نے بلدیو کمار کی اقلیتی نشست پر کامیابی کا نوٹیفکیشن جاری کردیا۔
بلدیوکمارکو تحریک انصاف کی اقلیتوں کی مخصوص نشست پر کامیاب قراردیاگیا ہے۔ بلدیوکمارسورن سنگھ کے قتل کے الزام میں گرفتارہیں۔ مقتول رکن اسمبلی سورن سنگھ کو 22 اپریل کو بونیر کےعلاقے میں قتل کیا گیاتھا۔ 2013ء کے انتخابات میں تحریک انصاف کی جانب سے اقلیتوں کیلئے مخصوص نشست پر فراہم کردہ ترجیہی فہرست میں بلدیو کمار دوسرے نمبر پر تھے۔ سورن سنگھ کے قتل کا الزام میں انکا نام آنے پر عمران خان نے انکا نام نکالنے کا اعلان کیا تھا۔