اٹلی میں ہولناک زلزلے سے بڑے پیمانے پر تباہی ہوئی ہے۔ ایما ٹرائس شہر مکمل تباہ ہو گیا۔ ہلاکتوں کی تعداد 16 ہوگئی ہے۔ جس میں اضافے کا خدشہ ہے۔ ریکٹر اسکیل پر زلزلے کی شدت 6 اعشاریہ 2 ریکارڈ کی گئی ہے۔ اس کی گہرائی سطح زمین سے محض 10 کلومیٹر تھی۔
اٹلی کے سول پروٹیکشن ڈیپارٹمنٹ کے مطابق ریسکیو سروسز تمام متاثرہ علاقوں تک پہنچ نہیں پائی ہیں۔
ایما ٹرائس کے میئر کا کہنا ہے کہ لوگ ملبے تلے دبے ہوئے ہیں۔ شہر میں کچھ نہیں بچا۔ اٹلی کے مقامی وقت کے مطابق زلزلہ 23 اور 24 اگست کی درمیانی شب ساڑھے تین بجے آیا۔ جھٹکے اٹلی کے دارلحکومت روم سمیت پورے ملک میں محسوس کیے گئے
