وزیر داخلہ کا رات گئے برطانوی اعلی حکام سے رابطہ الطاف حسین کی گذشتہ روز کی پاکستان مخالف تقریر اور ہجوم کو ہنگامہ آرائی پر اکسانے کے واقعے کے حوالے سے تبادلہ خیال کیا گیا۔
وزیر داخلہ نے کہا کہ کسی شخص کا برطانوی سرزمین کا استعمال کرتے ہوئے پاکستان کی سالمیت اور امن کے خلاف اقدام انتہائی قابل مذمت ہے۔ پاکستان اور پاکستانی اداروں کے خلاف ہرزہ سرائی کرکے الطاف حسین نے نہ صرف پوری قوم اور خصوصا اردو بولنے والی عوام کی دل آزاری اور ہتک کی ہے بلکہ سنگین جرم کا ارتکاب کیا ہے۔ حکومت برطانیہ ایسے سنگین جرم میں ملوث شخص کو قانون کے دائرے میں لانے کے لئے معاونت کرے۔