لاہور سے لاپتہ ہونے والی چاروں لڑکیوں کو راولپنڈی ریلوے پولیس نے اہل خانہ کے حوالے کردیا ہے۔
لڑکیوں کے مطابق وہ گھر والوں کو بتائے بغیر سیر کرنے کے لیے نکلی تھیں اور لاہور سے بس کے ذریعے راولپنڈی پہنچیں۔
لڑکیوں کا موقف ہے کہ جب وہ گھر واپسی کے لیے راولپنڈی اسٹیشن پہنچیں تو پولیس نے انہیں حراست میں لے لیا۔ پولیس کا کہنا ہے کہ چاروں لڑکیاں ٹرین کے ذریعے کراچی جانا چاہتی تھیں۔
پولیس نے قانونی تقاضے پورے کرنے کے بعد لڑکیوں کو ان کے اہل خانہ کے حوالے کردیا ہے۔