دہشت گردوں اور ان کے سہولت کاروں کے خلاف ملک بھر میں آپریشن جاری ہے۔ سیکورٹی فورسز نے خیبر ایجنسی کے علاقے راجگال میں اہم چوٹیوں پر قبضہ کرلیا ہے۔
خیبر ایجنسی میں آپریشن خیبر تھری جاری ہے جس میں زمینی اور فضائی کارروائی کی جارہی ہے۔ آپریشن میں اب تک 40 دہشت گرد مارے جاچکے ہیں اور ان کے 43 ٹھکانوں کو تباہ کیا گیاہے۔
ہنگو کے علاقے ٹل میں کارروائی کے دوران دہشت گردوں کے 6 مبینہ سہولت کار پکڑے گئے جن کے قبضے سے بڑی تعداد میں اسلحہ اور گولہ بارود ملا ہے۔
