کراچی میں کانگو وائرس کا ایک اور مریض دم توڑ گیا۔ رواں سال کانگو وائرس سے ہلاکتوں کی تعداد 8 ہوگئی۔ کانگو وائرس کا شکار 22 سالہ نوجوان بہاولپور سے قربانی کے جانور لے کر کراچی آیا تها۔
صوبائی سیکریٹری صحت نے ڈی سی ایسٹ کو مویشی منڈی میں متوفی کے ساتھ رہنے والے تمام افراد کا طبی معائنہ کرانے اور ان کے تمام جانور منڈی سے الگ کرنے کی ہدایت کر دی۔
دوسری جانب کوئٹہ کے فاطمہ جناح جنرل اینڈ چیسٹ اسپتال کے شعبہ وبائی امراض میں کانگو سے متاثرہ 3 مریض لائے گئے ہیں۔ جن میں سے ایک خاتون سمیت 2 مریضوں میں کانگو وائرس کی تصدیق کر دی گئی جبکہ تیسری مریضہ کے نمونے لیبارٹری ٹیسٹ کے لئے اسلا م آباد بھجوا دیئے گئے