لاہور ہائی کورٹ نے تاریخی عمارتوں کے نزدیک اورنج لائن منصوبے کی تعمیرات روکنے کا حکم دیتے ہوئے کہا ہے کہ قومی ورثے اورتاریخی عمارتوں کے200 فٹ کے اندر میٹرو ٹرین کامنصوبہ نہیں بنایاجاسکتا۔
عدالت نے منصوبے کے آغاز کیلئے جاری کیے گئے تمام این او سیز بھی کالعدم قراردے دیئے۔
جسٹس عابد عزیز شیخ کی سربراہی میں لاہور ہائیکورٹ کے 2 رکنی بینچ نے فیصلہ سنایا جو 100 صفحات پر مشتمل ہے۔
عدالت نے ڈی جی آرکیالوجی کو تاریخی ورثے کے تحفظ کے لیے خود مختار اور عالمی شہرت کے حامل ماہرین سے رپورٹ تیار کروانے کا حکم دیا ہے
اس موقع پر سول سوسائٹی کے نمائندے بھی کمرا عدالت میں موجود تھے۔عدالت نے میٹرو ٹرین منصوبے پر ماحولیاتی آلودگی سےمتعلق درخواستیں مسترد کردیں
