برازیل کی خواتین ڈائیونگ ٹیم نے 10میٹر چھلانگ میں دسویں پوزیشن حاصل کی تو ایک کھلاڑی نے جوڑی سے الگ ہونے کا اعلان کر دیا ، لیکن دونوں میں لڑائی کی وجہ ہار نہیں کچھ اور ہے۔
17سالہ گووینیا نے اپنی 20سالہ ساتھی اولیویا پر الزام لگایا کہ میچ سے ایک رات پہلے اولیویا نے رات کو اسے کمرے سے باہر نکال دیا اور ایک دوسرے ایتھلیٹ کے ساتھ پوری رات گزاری۔
برازیل کے اخبار گلوبو کو ایک انٹرویو میں گووینیا کا کہنا تھا کہ پوری رات کمرے میں ساتھی ایتھلیٹ گون کلواز موجود تھے اور انہیں کمرے میں داخل ہونے کی اجازت نہیں دی گئی۔ اس دوران وہ شدید ذہنی اذیت سے گزریں۔
گووینیا کے مطابق اب وہ اکیلے اپنے کھیل پر توجہ دینا چاہتی ہیں اور آئندہ کبھی اولیویا کے ساتھ میدان میں نہیں اتریں گی۔
