پاکستان کے یوم آزادی کے موقع پر کشمیری عوام حق خود ارادیت کے لیے ریفرنڈم مارچ کا اہتمام کررہی ہے۔ ریفرنڈم مارچ کا مرکزی پروگرام لال چوک سری نگر میں ہوگا جبکہ اقوام متحدہ کے دفاتر تک بھی ریلی نکالی جائے گی۔
کشمیری عوم کل بھارتی یوم آزادی پریوم سیاہ منائے گی۔
وادی بھر میں بے گناہ کشمیریوں کی شہادت اور بھارتی ظلم و ستم کے خلاف مظاہرے کیے گئے اور ریفرنڈم مارچ منعقد کی گئی۔ غاصب بھارتی افواج کے تشدد سے مظاہروں میں 100 سے زائد افراد زخمی ہو گئے۔
لال چوک سری نگر کی طرف مارچ کرنے کی کوشش پر حریت رہنما میر واعظ عمر فاروق کو گرفتار کر لیا گیا۔ سیدعلی گیلانی نے ریفرنڈم مارچ میں شرکت کی اجازت نہ ملنے پر گھر کے باہر دھرنا دیا۔
مقبوضہ کشمیر میں برہان وانی کی شہادت کے بعد کشیدگی برقرار ہے۔ کرفیو کو 37 دن ہوگئے ہیں۔