ملک میں آزادی کا جشن اس عزم کے ساتھ منایا جارہا ہے۔ کہ ارض پاک پر کسی قسم کی کوئی آنچ نہیں آنے دیں گے۔ ملک میں آزادی کا جشن دھوم دھام سے منایا جارہا ہے۔۔ مختلف شہروں میں تقریبات منعقد کی جارہی ہیں۔
یوم آزادی پر نماز فجر میں ملک بھر کی مساجد میں ملک کی ترقی و خوشحالی اور سلامتی کی دعائیں مانگیں گئیں۔
دن کا آغاز اسلام آباد اور صوبائی دارالحکومتوں میں 21 21 توپوں کی سلامی سے ہوا۔ کراچی میں مزار قائد اور لاہور میں مزار اقبال پر گارڈز کی تبدیلی کی پروقار تقریب منعقد ہوئی۔
کراچی میں مزار قائد پر پاک نیوی کے چاک وچوبند دستے نے گارڈز کے فرائض سنبھالے اور سلامی پیش کی۔
لاہور میں مزار اقبال پر پاک آرمی کے دستے نے گارڈز کے فرائض سنبھالے اور سلامی پیش کی۔
