پی آئی اے پریمیئر سروس یوم آزادی پر چودہ اگست سے شروع ہونے جارہی ہے۔
قومی ایئرلائن کی اس نئی فضائی سروس میں عملہ سری لنکن کریو کے تحت سروس دے گا جس پر پی آئی اے کیبن کریو کو تحفظات ہیں۔
پی آئی اے پریمیئر سروس کے لیے سری لنکن ایئرلائن سے تین ایئر بس اے تھری تھرٹی طیاروں کا معاہدہ ہوا ہے۔
ویٹ لیز پر حاصل کیا گیا پہلا طیارہ کراچی میں موجود ہے اور چودہ اگست سے پریمیئر سروس کے لیے تیار ہے۔
پاکستان پریمیئر کے لیے فضائی میزبانوں کو کراچی میں پی آئی اے کے تربیتی مرکز میں پندرہ دن کی ٹریننگ دی گئی ہے۔
فضائی میزبانوں کو ہنگامی صورتحال میں مسافروں کو طیارے سے بحفاظت نکالنے کی تربیت بھی دی گئی ہے۔
پی آئی اے کیبن کریو کی اکثریت سینئر ہے اور انہیں سری لنکن عملے کے ماتحت کام کرنے پر تحفظات ہیں۔
