راولپنڈی میں وزیرداخلہ چودھری نثارکے حلقے مورگاہ میں دہشت کی علامت چھرا گروپ کے مرکزی ملزمان کوتاحال گرفتارنہیں کیا جاسکا۔
وزیراعلی پنجاب نے میڈیا پرخبریں نشرہونے کےبعد رپورٹ طلب کی تواعلی پولیس افسران نے تحقیقات تیزکردیں۔
پولیس نے زخمی نرس ارم اورخاتون ثمرہ رزاق کےبیانات اورمتاثرہ خواتین سےحاصل کردہ معلومات کی روشنی میں جنونی قاتل کا خاکہ جاری کردیا ہے۔
متاثرہ خواتین کےمطابق جنونی ملزم کا طریقہ واردات ایک ہی ہے۔
ملزم رات کولوڈشیڈنگ کے دوران منہ پر کپڑا لپیٹ کر سڑک پرآتا ہے اورخواتین پرچھریوں کے وارکرکے چھلاوے کی طرح غائب ہوجاتا ہے۔
پولیس نے سی ٹی ڈی اوررینجرزکےساتھ مل کرمورگاہ کےعلاقے میں سرچ آپریشن کیا اور19 مشتبہ افراد کوگرفتارکرلیا۔
جن سے خواتین پر حملوں کے بارے میں تحقیقات جاری ہیں ۔
