ملتان میں محکمہ پولیس کے پروموشن ٹیسٹ کے سوالنامہ میں حال ہی میں قتل ہونے والی معروف ماڈل قندیل بلوچ کے بارے میں بھی سوال شامل کیے گئے۔
ملتان میں کانسٹیبلز کو ہیڈ کانسٹیبلز کے عہدے پر ترقی دینے کے لیے محکمانہ بی ون کا امتحان ہوا، اس ٹیسٹ میں مختلف سوالات کے ساتھ ساتھ قندیل بلوچ کے بارے میں بھی سوال شامل تھا۔
سوالنامہ میں پوچھا گیا کہ قندیل بلوچ کا آبائی شہر کون سا تھا اور وہ ملتان کے کس تھانہ کی حدود میں قتل ہوئیں۔
پولیس ذرائع کا یہ بھی کہنا تھا کہ بیشتر پولیس ملازمین کاجواب درست تھا۔