قندیل بلوچ قتل کیس میں پولیس نے تفتیش کا دائرہ کار وسیع کردیا ہے۔
پولیس نے مرکزی ملزم وسیم کو ڈیرہ غازی خان سے ملتان لانے والے ٹیکسی ڈرائیور باسط کو حراست میں لے لیا ہے۔ قندیل کے بیرون ملک مقیم بھائی عارف کو بھی انٹرپول کے ذریعے پاکستان لانے کا فیصلہ کیا گیا ہے۔
قندیل بلوچ قتل کیس میں ملتان کی عدالت نے مرکزی ملزم وسیم کو 14 روزہ جوڈیشل ریمانڈ پر جیل بجھوا دیا۔ ملزم حق نواز کو 5 روزہ جسمانی ریمانڈ پر پولیس کے حوالے کیا گیا ہے۔ دونوں ملزموں کو جسمانی ریمانڈ مکمل ہونے پر عدالت میں پیش کیا گیا تھا۔