بیلجیئم میں انسداد دہشت گردی کے ایک آپریشن میں دو بھائیوں کو ملک میں حملوں کی منصوبہ بندی کرنے پرگرفتار کیا گیا ہے۔
استغاثہ کے مطابق گرفتار کیے جانے والے شخص کا نام نور الدین ایچ اور حمزہ ایچ بتایا گيا ہے۔
اس کارروائی کے دوران دھماکہ خیز مواد یا ہتھیار برآمد نہیں ہوئے ہیں۔
بیلجیئم مارچ میں ہونے والے حملوں کے بعد ابھی بھی ہائی الرٹ پر ہے۔
مارچ میں ایئرپورٹ اور میٹرو سٹیشن پر ہونے والے حملے میں کم از کم 32 افراد ہلاک ہوئے تھے۔ ان حملوں میں متعدد افراد زخمی بھی ہوئے تھے۔
خود کو دولتِ اسلامیہ کہلانے والے شدت پسند تنظیم نے اس حملے کی ذمہ داری قبول کی تھی۔
بیلجیئم کے سرکاری استغاثہ کی جانب سے جاری بیان میں کہا گیا ہے کہ ’تحقیقات کے ابتدائی نتائج سے یہ پتہ چلا ہے کہ افراد بیلجیئم میں حملوں کی منصوبہ بندی کر رہے تھے۔‘