کاؤنٹر ٹیررازم ڈیپارٹمنٹ کی کامیاب کارروائی کر کے پنجاب میں دہشتگردی کا بڑا منصوبہ ناکام بنادیا۔
شیخوپورہ کے علاقے میں 4 چک رسالہ کے قریب سی ٹی ڈی اور دہشتگردوں میں مقابلہ ہوا۔
فائرنگ کے تبادلے میں 7 دہشت گرد ہلاک اور3 فرار ہوگئے.
ہلاک ہونے والے دہشتگردوں سے ہینڈ گرنیڈ، 3کلاشنکوف،4پستول،سیکڑوں گولیاں اور 3موٹرسائیکلیں برآمد کرلی گئیں۔
سی ٹی ڈی ذرائع کے مطابق دہشت گردوں سے پانچ کلوبارودی مواد،ڈیٹونیٹرز،اور حساس مقامات کے نقشے بھی برآمد کیے گئے۔
دہشتگردوں کا تعلق کالعدم تنظیم سے تھا ۔ وہ لاہوراور شیخوپورہ میں کارروائیاں کرنا چاہتے تھے۔
