دنیا بھر میں پوکے مون گیم کا جنون سر چڑھ کر بولنے لگا۔ایسا ہی ایک دلچسپ واقعہ پیش آیا امریکی ریاست مونٹانا میں ۔۔جہاں پوکے مون گیم کے سحر میں گم ہو کر دو لڑکوں نےغیر قانونی طور پر امریکی سرحد پار کر لی ۔امریکی فوج نے کینیڈین شہریوں کو حراست میں لے لیا ۔امریکی اعلی حکام کا کہنا ہے کہ کینیڈین شہریت رکھنے والے دو نوجوانوں کو مختصر وقت کے لیے حراست میں لیا گیا ۔ تفتیش کے بعد ان پر کوئی بھی الزام ثابت نہ ہو سکا ،نوجوانوں کو ان کی والدہ کی درخواست پر رہا کر دیا گیا ہے۔