مشعال قتل کیس: مرکزی گواہ بیان سے منحرف

ہری پورسینٹرل جیل میں مشعال قتل کیس کی سماعت ہوئی، جس کے دوران مقدمے کا مرکزی گواہ اپنے بیان سے منحرف ہوگیا۔
دورانِ سماعت وکیل استغاثہ فضل خان کا کہنا تھا کہ صیاب خان مشعال خان قتل کیس کاچشم دیدگواہ ہے، جو اپنے پہلے بیان سے منحرف ہوگیا۔
وکیل استغاثہ کا کہنا ہے کہ پہلے گواہ کے ہی منحرف ہوجانے کے بعد آج دیگرگواہان پر جرح نہ ہوسکی۔
عدالت نے مشعال قتل کیس کی سماعت 25اکتوبرتک ملتوی کردی ۔
مقتول مشعال کے والد والداقبال نے الزام عائد کیا ہے کہ گواہوں پر ملزمان کی پارٹی کی جانب سے دباؤ ڈالا جا رہاہے۔