سماجی میل جول کی ویب سائٹ ٹوئٹر نے اپنے اینڈرائڈ اور آئی او ایس صارفین کے لئے ”ہیپننگ ناو“ فیچر متعارف کروا دیا۔
عالمی ذرائع ابلاغ کے مطاقب یہ صارفین کی ٹائم لائن پر ابتدا میں ظاہر ہو گا اور کسی بھی جاری ایونٹ کے بارے میں براہِ راست خبریں اور پوسٹ کی جانے والی ٹویٹس یکجا کر کے فراہم کرے گا۔
اس فیچر میں دنیا بھر میں جاری اہم تقاریب کو کارڈز کی صورت میں پیش کیا جائے گا اور صارفین اپنی پسند کا کارڈ منتخب کرکے تقریب سے متعلق تمام تر ٹویٹس کو ایک جگہ دیکھ سکیں گے۔
ابتد میں اس فیچر کو صرف کھیلوں تک محدود رکھا گیا ہے تاہم جلد ہی اسے تمام اہم تقاریب اور واقعات کے لئے بھی استعمال کیا جائے گا۔اس فیچر کو اینڈرائڈ اور آئی او ایس آپریٹنگ سسٹم رکھنے والے صارفین کے لئے پیش کر دیا گیا ہے
