سابق وزیراعظم نواز شریف کی صاحبزادی مریم نواز نے کہا ہے کہ ان کی والدہ آئی سی یو سے باہر آگئی ہیں۔
اپنے ٹوئنٹر پیغام میں ان کا کہنا تھا کہ گزشتہ روز کے آپریشن کے بعد والدہ صحت یاب ہورہی ہیں۔ میری والدہ کیلیے دعاؤں پر اللہ آپ کو جزائے خیر دے۔
گزشتہ دنوں بیگم کلثوم نواز کی لندن میں دوران علاج کینسر کی تشخیص ہوئی تھی جس کے بعد ان کا علاج لندن کے مقامی اسپتال میں جاری ہے جب کہ عید سے قبل انہیں اسپتال سے گھر منتقل کردیا گیا تھا۔
کلثوم نواز نے حال ہی میں این اے 120 میں تحریک انصاف کی یاسمین راشد کو شکست دی تھی۔
