آزاد کشمیر کے علاقے نکیال میں گاڑی نالے میں جاگری ،8افراد جاں بحق ہوگئے جن میں 2 کی لاشیں نکال لی گئیں،مرنے والوں میں ڈائریکٹر اسپورٹس آزاد کشمیر چوہدری اسحاق بھی شامل ہیں۔
پولیس کے مطابق حادثہ تیز بارش کے باعث سکہ کس کے مقام پر پیش آیا ،گاڑی پانی کے تیز بہائو کے باعث نالہ دھموئی میں گرگئی ۔
پولیس کے مطابق حادثے کا شکار ہونےو الی گاڑی کھوئی رٹہ سے نکیال آرہی تھی ،واقعے میں 8 افراد جان کی بازی ہار گئے ،جن میں چوہدری اسحاق بھی شامل ہیں ،جو ڈائریکٹر اسپورٹس آزاد کشمیر تھے ۔
ریسکیوآپریشن میں مقامی انتظامیہ اورپاک آرمی کے جوانوں نے حصہ لیا، مرنے والوں میں چوہدری اسحاق کے 2 بھائی اور 3 بھتیجے بھی شامل ہیں۔
