پیمرا نے اے آر وائے نیوز چینل کو ایک اور نوٹس بھیج دیا ہے۔ نوٹس میں کہا گیا ہے کہ اے آر وائے نیوز کے پروگرام دی رپورٹرز میں حمید بھٹی کی جانب سے اللہ تعالیٰ کا نام انتہائی غیر ذمہ دارانہ انداز میں لیا گیا۔
پیمرا نے موقف اختیار کیا کہ ٹی وی چینل کا یہ عمل پیمرا قوانین کے خلاف ہے اس لیے اظہار وجوہ کانوٹس بھیج رہے ہیں۔ پیمرا نے چینل انتظامیہ سے 15 ستمبر تک جواب مانگ لیا ہے۔
پیمرا نے چینل کے چیف ایگزیکٹو کو بھی 15 ستمبر کو ذاتی شنوائی کیلئے بھی بلایا ہے۔ پیمرا کا کہنا ہے کہ عدم پیروی کی صورت میں پیمرا یکطرفہ کارروائی بھی عمل میں لا سکتا ہے۔
