بالی ووڈ اداکارہ کترینہ کیف نے سمندر کی لہروں پر سرفنگ کرتے ہوئے اپنی ایک تصویر شیئر کی ہے۔ تصویر میں وہ سرفنگ بورڈ پر آسانی سے توازن برقرار رکھے ہوئے ہیں۔
کترینہ کیف کی فلم جگا جاسوس ویک اینڈ پر ریلیز ہوئی ہے اور اس نے دو روز میں اچھا بزنس کیا ہے۔ کامیابی کا جشن منانے کترینہ ان دنوں فیملی کے ساتھ چھٹیوں پر ہیں۔
کترینہ نے انسٹاگرام پر سرفنگ کی تصویر شیئر کی جس میں انہوں نے کیپشن میں صرف سرفنگ اپ کا لفظ لکھا ہے۔
کترینہ کیف کھیلوں سے خاصی دلچسپی رکھتی ہیں۔ اپنی فلموں کے سیٹ پر وہ اکثر اسٹاف کے ساتھ کرکٹ کھیلتی نظر آتی ہیں جب کہ ٹینس اور واٹر سپورٹس میں بھی انہیں خاصی دلچسپی ہے۔