آسٹریلوی کرکٹ ٹیم کے سابق کپتان مائیکل کلارک نے ورلڈ الیون کے ہمراہ پاکستان آنے کی خبر کی تردید کی ہے ، انہوں نے کہا ہے کہ یہ ان کے لئے محض ایک خبر ہے۔
چیئرمین پی سی بی شہریار علی خان نے ایک روز قبل کہا تھا کہ آئی سی سی ورلڈ الیون کے دورہ پاکستان میں مائیکل کلارک اور جنوبی افریقہ کے ہاشم آملا بھی آئیں گے۔
مائیکل کلارک نے ایک ٹویٹ کے ذریعے اس خبر کی تردید کر دی۔ انہوں نے لکھا کہ جھوٹی خبر نہ پھیلائی جائے۔ سچ کا انتظار کیا جائے۔
مائیکل کلارک نے باقاعدہ طور پر یہ نہیں کہا کہ وہ پاکستان نہیں آئیں گے تاہم انہوں نے آنے کی تصدیق بھی نہیں کی۔