ہڈیوں سے جیلاٹین بنانے والی فیکٹری سیل

پنجاب فوڈ اتھارٹی نے لاہور کے نواحی قصبےمریدکے میں جانور کی ہڈیوں سے جیلاٹن بنانے والی فیکٹری سیل کر دی۔ جیلاٹن کے لئے ہڈیوں سے پاؤدر تیار کیا جا رہا تھا۔
پنجاب فوڈ اتھارٹی کےمطابق مریدکے کے ویران علاقے میں قائم فیکٹری میں جانوروں کی ہڈیوں سے پاوڈرتیارکیا جاتا تھا جو بعد میں جیلاٹن بنانے میں استعمال ہوتا تھا۔
پی ایف اے حکام کے مطابق فیکٹری بغیر لائسنس غیر قانونی طریقے سے کام کررہی تھی۔
حکاما کے مطابق چھاپے کے دوران فیکٹری مالکان حلال جانوروں کی ہڈیوں کے حصول کا ثبوت پیش نہ کرسکے اور یہ بھی نہ بتاسکے کہ ہڈیاں کہاں سے آتی ہیں۔
فوڈ اتھارٹی حکام نےیونٹ سیل کرکے مقدمہ درج کرادیا ،اورایک شخص کوگرفتارکرلیا۔