ظفر حجازی کی ضمانت قبل از گرفتاری منظور

سیشن عدالت نے چیئرمین سیکیورٹی اینڈ ایکسچینج کمیشن آف پاکستان ظفرحجازی کی 5 روز کے لئے ضمانت قبل از گرفتاری منظور کرلی۔
اسپیشل جج سینٹرل کی عدالت نے سرکاری دستاویزات میں رد و بدل کے کیس میں چیئرمین ایس ای سی پی ظفر حجازی کی 5 روز کے لئے ضمانت قبل از گرفتاری منظور کرلی۔
عدالت نے ظفرحجازی کو آج ہی ڈھائی ڈھائی لاکھ روپے کے دو مچلکے جمع کرانے کے احکامات جاری کئے۔
اس سے قبل ظفرحجازی نے 13 جولائی کو اسلام آباد ہائیکورٹ سے 4 روز کے لئے راہداری ضمانت حاصل کی تھی جب کہ عدالت نے انہیں متعلقہ فورم سے رجوع کرنے کی ہدایت کی تھی۔
سپریم کورٹ کے حکم پر ایف آئی نے چیئرمین ایس ای سی پی ظفر حجازی کے خلاف مقدمہ درج کیا تھا جس کے بعد انہوں نے اسلام آباد ہائیکورٹ سے رجوع کیا تھا۔

Leave a Reply

x

Check Also

ڈیڈلائن ختم ہونے کے باوجود فیض آباد دھرنا جاری

ڈیڈلائن ختم ہونے کے باوجود فیض آباد دھرنا جاری

اسلام آباد میں فیض آباد انٹرچینج پر جاری دھرنے کے شرکاء کو دی گئی ڈیڈ ...