سابق سینیٹر اور وزیر قانون خالد رانجھا کے صاحبزادے حسن رانجھا کی گاڑی نے لاہور میں شمائی چھاﺅنی کے علاقے میں نوجوان کو کچل کر شدید زخمی کر دیا جسے ہسپتال منتقل کر دیا گیا ہے ۔حادثے کے وقت گاڑی حسن رانجھا خود چلا رہے تھے۔
حادثے کے بعد خالد رانجھا کے صاحبزادے حسن رانجھا کے خلاف تھانہ شمالی چھاﺅنی میں مقدمہ درج کیا گیا جس کے بعد ملزم کو گرفتار کر لیا گیا ہے ۔
پولیس کا کہنا ہے کہ زخمی ہونے والے نوجوان نے الزام عائد کیا ہے کہ حادثے کے بعد حسن رانجھا کی حالت مشکوک تھی ، ان سے کھڑا بھی نہیں ہوا جا رہا تھا اور یوں محسوس ہو رہا تھا کہ وہ نشے کی حالت میں ہیں۔ پولیس نے حسن رانجھا کو گرفتار کر کے طبی معائنہ کرانے کا فیصلہ کیا ہے۔