افغانستان میں داعش کمانڈر ابوسید مارا گیا

امریکی فوج نے افغانستان کے شمال مشرق صوبے کنڑ میں ایک حملے کے دوران داعش کے یک اہم کمانڈر کو ہلاک کردیا۔
پینٹاگون نے داعش کمانڈر کی ہلاکت کی تصدیق کرتے ہوئے اس کے بارے میں بتایا ہے کہ ابوسید خراساں صوبے میں داعش کا امیر تھا۔
افغان حکام نے بھی ابوسید کے مارے جانے کی تصدیق کی ہے۔ ابوسید داعش کے اس ونگ کا سربراہ تھا جس کی طرف سے افغانستان میں گزشتہ 6 مہینے میں 4 بڑی کارروائیوں کا اعتراف کیا گیا تھا۔
افغانستان سے ہی تعلق رکھنے والا ابوسید عراق میں داعش کے ساتھ تین سال تک جنگ میں حصہ لیتا رہا۔ اسے ابوبکر البغدادی کے قریبی ساتھیوں میں شمار کیا جاتا تھا۔
پینٹاگون کے مطابق یہ کارروائی رواں ہفتے کے آغاز میں کی گئی تھی۔ داعش کی طرف سے خبر کی تصدیق نہیں کی گئی۔

Leave a Reply

x

Check Also

مصر میں مسجد پر حملہ، سوگ میں ایفل ٹاور کی روشنیاں گل

مصر میں مسجد پر حملہ، سوگ میں ایفل ٹاور کی روشنیاں گل

مصر کی مسجد پر دہشت گردوں کے حملے میں جاں بحق افراد کے لوا حقین ...