خیبر ایجنسی میں چیک پوسٹ پر خود کش حملہ

ذخہ خیل میں ایف سی کی چیک پوسٹ پرحملہ ناکام بنادیا گیا جب کہ جوابی کارروائی میں 2 حملہ آور ہلاک کردیئے گئے۔
خیبرایجنسی میں لنڈی کوتل کے علاقے ذخہ خیل میں ایف سی کی چیک پوسٹ پرخودکش حملہ آوروں نے حملہ کرنے کوشش کی اورسیکیورٹی اہلکاروں پرفائرنگ کی۔
فائرنگ کے نتیجے میں 2 سیکیورٹی اہلکارزخمی ہوگئے جب کہ ایف سی کی جانب سے جوابی کارروائی میں دونوں خودکش حملہ آورہلاک ہو گئے۔
واقعے کے بعد علاقے میں کشیدگی برقرارہے جب کہ سیکیورٹی فورسزکی جانب سے پورے علاقے کو گھیرے میں لے کرآپریشن کا آغاز کردیا گیا ہے۔